اڑان نیوز
جموں/ /قانون ساز اسمبلی کے سپیکر کویندر گپتا نے حکومت سے کہا ہے کہ وہ ریاست کے دونوں صوبوں میں رہایشی علاقوں تک جنگلی جانوروں کے پہنچنے کے عمل کو کم سے کم کرنے کیلئے مناسب اقدامات کریں ۔ یہ ہدایات انہوں نے آج ایوان میں وقفہ صفر کے دوران عثمان مجید کی طرف سے یہ معاملہ اجاگر کرنے کے بعد جاری کیں ۔ بعد میں کئی ارکان نے بھی مقامی آبادی پر بندروں اور دیگر جانوروں کے حملوں کے بڑھتے واقعات پر تشویش کا اظہار کرتے ہوئے حکومت سے مطالبہ کیا کہ وہ اس ضمن میں ہر طرح کے احتیاطی تدابیر اٹھائیں ۔ دریں اثنا ایوان میں وقفہ صفر کے دوران کئی ارکان نے عوامی نوعیت کے معاملات ابھارے ۔ ان ارکان میں حکیم محمد یاسین ، محمد یوسف تاریگامی ، نیلم کمار لنگہیہ ، محمد شفیع اوڑی ، ممتاز احمد خان ، محمد خلیل بند ، پون کمار گپتا ، بشیر احمد ڈار ، آر ایس پٹھانیہ ، سید آغا روح اللہ ، اعجاز احمد میر ، گگن بھگت ، علی محمد ساگر ، حاجی عبدالرشید ڈار ، محمد عباس وانی ، دلیپ پریہار ، محمد اکبر لون ، گلزار احمد وانی ، شاہ محمد تانترے ، جیون لال ، شکتی راج پریہار ، دویندر سنگھ رانا ، چودھری محمد اکرم ، دویندر منیال ، نور محمد شیخ ، جاوید احمد رانا ، محمد امین بٹ ، سید فاروق اندرابی ، مبارک گُل ، وقار رسول وانی ، راجا منظور احمد اور الطاف احمد وانی شامل تھے ۔
ممبران اسمبلی کی تشویش پر اسپیکر کی حکومت کو ہدایت رہایشی علاقوں تک جنگلی جانوروں کی مداخلت کو روکنے کیلئے اقدامات کئے جائیں
![](https://www.dailyudaan.com/wp-content/uploads/2018/02/8-3.jpg)