ذوالفقار علی +ماجد ملک
بھدرواہ+کشتواڑ// برہان وانی کی پہلی برسی پرکشتواڑ و بھدرواہ میں انجمن اسلامیہ کی طرف سے دی گئی کال کے پیش نظر ہفتہ کے روز دونوں قصبوں میں مکمل ہڑتال رہی جس کے دوران تمام کاروباری ادارے بندرہے جبکہ سڑکوں پر ٹریفک بہت کم دیکھنے کو ملا ۔ قصبہ کشتواڑ اور مضافاتی علاقوں میں بھی ہڑتال کی گئی اور دوکانیں و کاروباری ادارے بند رکھے گئے ۔اس دوران انتظامیہ و پولیس نے سخت حفاظتی بندو بست کر رکھے تھے ۔بھدرواہ میں انجمن اسلامیہ نے بند کی کال دی تھی ۔ سب سے زیادہ اثر تکیہ چوک ، صدر بازار ، مرکزی جامع مسجد کے آس پاس کے بازاروں ، پاسری اڈا ،کالج لنک روڈ ، صرافہ محلہ ، حویلی محلہ مارکیٹ ، عید گاہ مارکیٹ وغیرہ میں رہا ۔